造星4已經開始招募，今季只限囡囡參加，目標組成女版MIRROR。上季風頭躉「粉紅色世界」魔樂師小妍非常出位，佢被網友問到會唔會穢土轉生參加第四季，小妍就表示 #唔好啦gif，佢話上年參加嗰陣好大壓力，自己抗壓力不足，而且夢想唔係想做女團成員，所以觀眾無緣再一睹小妍風采。
導師方面，上季組爸二汶亦都婉拒咗花姐邀請：「上台容易落台難。如果我再次做導師，我都難以超越上一次嘅自己。既然唔能夠做得更好，何不讓更多有才之士去做？經過深思熟慮後，我先下呢個決定。」網友讚二汶諗法夠成熟。目前班底就有梁祖堯，大家仲想睇到邊位藝人做導師？